नमस्कार,

१) आपण या समूहाचे सदस्य असल्यास "प्रवेश" ही लिंक वापरा.
२) आपण नविन सदस्य असल्यास "नोंद " ही लिंक वापरुन सदस्य व्हा. सदस्यत्व विनामूल्य आहे.
- धन्यवाद
बटाटा.. कसा उकडावा? कसा शिजवावा?

Sun Jun 24, 2012 3:33 pm by Admin

भात, डाळ आणि पोळीनंतर नंबर लागतो तो भाजीचा. भाज्यामध्ये जास्त करून क - जीवनसत्त्व असतं, ज्याचा शरीर साठा करून ठेवू शकत नाही आणि ते अन्नामधून रोजच्या रोज …


[ Full reading ]

Comments: 0

अस्सल वासाचं अस्सल चवीचं

Sun May 20, 2012 1:24 am by mansijoshi

मेन्यूकार्डवर भिरभिरणारी नजर 'स्टफ्ड बोंबिल'वर स्थिरावते. भरलेलं पापलेट, भरलेले खेकडे ठाऊक असतात. पण भरलेले बोंबिल? काहीशा आश्चर्यानेच मग 'स्टफ्ड …


[ Full reading ]

Comments: 0

चमचमीत आणि आरोग्यदायी

Sun May 13, 2012 9:39 am by vijaynjoshi

रस्त्यावरील भेळपुरी असो वा चकचकीत हॉटेलांतील पिझ्झा-बर्गर, अनभेसळीविरोधातील कायदा आता अधिक व्यापकपणे राबवला जाणार आहे. मात्र कायद्याची अमलबजावणी …


[ Full reading ]

Comments: 0

Poll
ऑनलाइन कोण आहे
सध्या येथे एकूण 2 सदस्य ऑनलाइन आहेत :: 0 नोंदित, 0 लपलेले आणि 2 पाहुणे

एकही नाही

[ View the whole list ]


19 इतके सर्वात जास्त सदस्य ऑनलाइन Fri Aug 31, 2018 10:36 pm यावेळेस होते
शोध
 
 

Display results as :
 


Rechercher Advanced Search

Keywords


संत रघुनाथबुवा

Go down

संत रघुनाथबुवा

लिखाण  aplemarathijagat on Sat May 19, 2012 9:04 pm


नागेश संप्रदाय हा महाराष्ट्रातील एक समन्वयवादी संप्रदाय आहे. वेगवेगळ्या जातीधर्मांचे लोक या संप्रदायाचे अनुयायी आहेत. त्याचप्रमाणं त्यातील अनेक अलक्षित पण महत्त्वाचे संतकवीही आहेत. त्यांची वाङमयेतिहासात नोंद नाही.

रघुनाथबुवा हेही त्यांपैकीच एक संत कवी आहेत. त्यांच्या चरित्राविषयी फारशी माहिती उपलब्ध होत नसली तरी संत कवी अज्ञानसिद्ध आणि त्यांचे आजे व नागेशांचे समकालीन अनन्य भक्त हेमरस यांचे उल्लेख रघुनाथबुवांच्या लेखनात आढळतात. एवढंच नाही तर बहिरा पिसा, तिमण्णा धनगर, आलमखान यासारख्या नागेशांनुयायी संतांचेही उल्लेख देखील आढळतात. त्यावरुन ते आलमखान यांच्या काळातले असण्याची शक्यता आहे. रघुनाथबुवा मराठवाड्यातील किल्लारीचे. (काही वर्षांपूर्वी झालेल्या भूकंपामुळं हे गाव देश-विदेशात परिचित झालं आहे) नागेश सांप्रदायी सूफी संत आलमखान (अल्लंखान) यांचाही किल्लारीशी संबंध असावा कारण तिथं त्यांच्या अभंगांची जुनी हस्तलिखितं उपलब्ध झाली होती. रघुनाथबुवा हे त्यांच्या भक्ती भजनांमुळं विशेष लोकप्रिय होते. त्यांना मराठीप्रमाणंच संस्कृत भाषेचीही चांगली जाण असावी, असं त्यांच्या लेखनावरुन वाटतं. त्यांच्या भजनांतील लयबद्धतेमुळं त्या भजनांत एक वेगळाच गोडवा आहे. त्या प्रत्येक भजनात नागेशांचा (नागनाथांचा) वेगवेगळ्या प्रकारे उल्लेख केल्याचं आढळतं. कधी ते त्यांना माउली म्हणतात तर कधी सद्गुरु तर कधी शिवस्वरुप. वानगीदाखल काही भजनं पाहा -

बुडतो भवसागरी सद्गुरु।
धरी मला निज करी।
नागेशा, बुडतो भवसागरी, सद्गुरु।
धरी मला निज करी।।
नमस्ते भुजंगम्, नमस्ते भुजंगम्।
नमो नागनाथा, नमस्ते भुजंगम्।।

नागनाथ माझे आई। करुणा तुला येऊ दे।
सद्गुरुनाथ माझे। करुणा तुला येऊ दे ।।
नमस्ते भुजंगम् नमस्ते भुजंगम्।
नमो नागनाथा, नमस्ते भुजंगम्।।

शिवशंकर गिरीजारमणा।
का नये दीनाची करुणा?
नमस्ते भुजंगम्.


नागेश संप्रदायाची परंपरा सांगणारा त्यांचा

माझ्या नागनाथा सद्गुरु समर्था।
वडवाळ क्षेत्रात विराजित।।

हा अभंग फार मोठा आहे. त्यातील शिष्यपरंपरेचा काही भाग इथं उद्धृत करतो -

बहिरा पिसा याची निरसली भ्रांती।
सायोज्यता मुक्ती दिली त्यासी।।
तिमण्णा धनगर एकलिंग तेली।
त्यासी गती दिली ब्रह्मपदी।।
आलमखान योगी याहुनी राजसा।
आपण ऐसे केले तयासी हो।।
हेग्रसासाठी आला मोहोळेसी।
तयाच्या पुण्यासी पार नाही।।
स्वर्गीचे पितर आणिले साक्षात।
महिमा विख्यात वाढविला।।
तैसा महाराज त्रिलोकी समर्थ।
अवघा मनोरथ पूर्ण करी।।
तेथे चरणरज दीन रघुनाथ।
प्रार्थना करीत उभा असे।।

रघुनाथांच्या बहुतेक अभंगांत परमेश्वराचा धावा केला असून त्याच्या भेटीची आर्त प्रकट झाली आहे. काही अभंगांत नागेशाच्या कृपेनं साक्षात्काराचा अनुभव कसा प्राप्त झाला, तेही वर्णिलं आहे. स्थलाभावी एकच लक्षणीय अभंग उद्धृत करतो, त्यावरून रघुनाथबुवांच्या आध्यात्मिक क्षेत्रातील उंचीची नि अधिकाराची कल्पना येईल -

सद्गुरुने मज दावियले वर्म।
तेणे झाले कर्म ब्रह्मरुप।।
चालता, बोलता, ऐकता, पाहता।
न भंगे ऐक्यता, ऐसें झालें!
नसोनी असावे, असोनी नसावे।
निश्चयाचे नावे सापडो।।
नेती, नेती ऐसा वेदांचा अनुभव।
दिल्हा गुरुराव संतोषाने।।
कर्म आणि कर्ता, भोग आणि भोवता।
काही नेणे वार्ता स्वस्वरूपी।।
माझी मज सत्ता, नुरे द्वैत-वार्ता।
सांगू कोणा आता अबोल हे ?
आत-बाहेर एक झाला नागनाथ।
तेथे रघुनाथ उरे कैचा ?

डॉ.यू.म.पठाण
[center]

aplemarathijagat
Member
Member

Posts : 47
Join date : 15/05/2012

वापस वरती Go down

वापस वरती


 
Permissions in this forum:
तुम्ही या सार्वत्रिकेत विषयाला प्रतिक्रिया देऊ शकत नाही